Finfinnee, Guraandhala 25, 2017 (FMC) – Naannoo Tigraayitti hojiin hambaaleen durii haaromfamaa fi suphamaa jiraachuu Biiroon Aadaa fi Tuurizimii Bulchiinsa Yeroo naannichaa ibseera.
Naannichatti baatiiwwan jahan darbanitti gadaamiiwwan durii 10, bataskaanonnii fi bakkeewwan seena- qabeeyyii haaromfamuunii fi suphamuun tajaajilaaf banaa ta’uu hogganaan biirichaa Dooktar Atsbahaa Gabra’igzaabiheer ibsaniiru.
Masaraan mootummaa Yahaa, Masjiidni Alnajaashii fi Siidaan Aksuum dhaabbilee ijaarsaa alaan of eeggannoon haaromfamaa jiraachuu ibsuun, yunivarsiitiiwwan naannicha keessa jiranis ogeessotaan deggeruun gahee isaanii bahachaa jiraachuu eeraniiru.
Hojiin hambaalee naannichaa haaromsuu, eeguu fi beeksisuu misooma tuurizimii babal’isuun yaa’iinsa tuuristoota biyya keessaafi alaa dabaluu ibsuu isaanii Tajaajilli Oduu Itiyoophiyaa gabaaseera.
#Oromia #Ethiopia