Finfinnee, Guraandhala 28, 2017 (FMC) – Pireezidaantiin Keeniyaa Wiiliyaam Ruutoofi dursaan Paartii Mormituu Raayilaa Oodiingaan tumsaan hojjechuuf waliigaluu ibsame.
Qaamoleen lamaan waliigaltee tumsaan hojjechuuf isaan dandeessisu mallatteessuu himameera.
Jila paartii biyya bulchaa jiruu (UDA) Pireezidaanti Wiiliyaam Ruutoon durfamuu fi dursaa Paartii Mormituu (ODA) Raayilaa Oodiingaa gidduutti waliigalteen tumsaan hojjechuu kun mallattaa’uu miidiyaan biyyattii ‘Citizen’ jedhamu gabaaseera.
Pireezidaanti Wiiliyaam Ruutoo fi Raayilaa Oodiingaan garaagarummaa isaanii cinaatti dhiisuun dhimma biyyaarratti tumsaan hojjechuuf murteessuu isaanii Dura Taa’aan Paartii UDA Seesiiliin Mibaariireen dinqisiifataniiru.
Waliigaltichi faayidaa dhuunfarra dhimma biyyaalessaa kan durse ta’uu wayita mallattichaa ibsameera.
Hojiirra oolmaa gabaasa Komishinii Maree Biyyaalessaa hordofuu, gurmaa’insi mootummaa hammataa ta’uu mirkaneessuu fi Malaammaltummaarratti waloon qabsaa’uun dhimmoota waliigalticha keessatti hammataman keessaa ijoo ta’uu eerameera.
#Oromia #Ethiopia