Piriimeer Liigii Ingilaandiin taphni har’a Arsenaal Maanchiister Siitii keessummeessu ni eegama

Finfinnee, Amajjii 25, 2017 (FMC) – Taphoota Piriimeer Liigii Ingilaandi torbee 24ffaan taphni har’a Arsenaal Maanchiister Siitii keessummeessu ni eegama.

Taphoonni torbee 24ffaa kunneen har’as itti fufuun kan taphataman yoo ta’u, Waaree booda sa’aatii 11:00 eegale Bireentifoord – Tootenhaam, Maanchisteer Yuunaayitiid – Kiriistaal Paalaas waliin falmiin taasisan ni eegama.

Halkan sa’aatii 1:30 jalqabee morkiin Arsenaal Maanchiister Siitii waliin taasisu hawwiin eegama.

Kilaboonni lamaan taphoota hanga ammaatti waliin taphatan 189 keessaa Arsenaal yeroo 87 yoo injifatu, Maanchiister Siitiin 56 injifachuun si’a 46 ammoo qabxii qooddataniiru.

#Oromiyaa #Ethiopia