Finfinnee, Guraandhala 5, 2017 (FMC)- Qaamolee eeyyamaan ala Finfinnee fi naannawaasheetti Dirooniin Suuraa kaasanirratti tarkaanfiin fudhatamaa jiraachuu Tajaajjilli Nageenya Odeeffannoo Biyyaalessaa ibse.
Tajaajilichi ibsa miidiyaaleef ergeen, Magaalaa Finfinnee fi Naannawaasheetti eeyyamaan ala Diroonii fayyadamuun kan hin danda’mne ta’uu tibbanaa ibsuu yaadachiiseera.
Qaamolee hubachiisa kana hojirra hin oolchinerratti tarkaanffii fudhachaa jiraachuu beeksiseera.
Walga’ii Gamtaa Afrikaan walqabatee Opireeshinii qindaa’aa cimsuun barbaachiisaa ta’uu isaan,Finfinnee fi Naannawaasheetti Diroonii fayyadamuun dhorkaa ta’uu ibsamuu isaan, hedduun hojjirra oolchaa jiraachuus eereera.
Qaamoolee yaadachisicha hojirra hin oolchinerratti teeknooloojji farraa diroonii dabalatee tarkaanffii garaagaraa fudhachaa jiraachuu himeera.
Tajaajilli Nageenya Odeeffannoo biyyaalessaa Angoo labsiin kennameefiin dirqama nageenya Dureewwanii, Bu’uuraalee misoomaa Murteessoo fi Sagantaalee sadarkaa biyyaalessaatti gaggeeffaman eegsisuu qabaachuu ibseera.
Keessattuu Yaa’ii 38ffaa Gamtaa Afrikaa milkaa’inaan xumuramuuf sodaa Diroonii fi meeshaaleen teeknooloojii uumuu danda’an to’achuuf kan dandeessisan qophii humna nama gahaa fi teeknooloojjii taasisuun hojitti galuu beeksiseera.
Haaluma kanaan namni Diroonii fayyadamuu barbaadu kamuu
Lakkoofsa bilbilaa 251 983 00 02 98 fi +251 983 00 04 0 irratti bilbiluun odeeffannoo dabalataa argachuun kan danda’u ta’uu akekeera.
#Oromia #Ethiopia