Qisaasama qabeenyaa hir’isuun lammiileef tajaajila Abbaa seerummaa kennuun barbaachisaadha jedhame

Finfinnee, Bitootessa 27, 2017 (FMC) – Qisaasama qabeenyaa hir’isuuniifi tumsa cimsuun lammiileef tajaajila Abbaa seerummaa kennuun barbaachisaa ta’uu Pireezidaantiin Mana Murtii  Waliigalaa  Federaalaa Teewoodiroos Mihiret ibsan.

Waltajjiin hiiktota seeraa biyyaalessaa bakka Pireezidaantiin Mana Murtii Waliigalaa Federaalaa fi Pireezidaantonni Manneen Murtii Waliigalaa Naannolee argamanitti magaalaa Bishiiftuutti gaggeeffamaa jira.

Tajaajilli Abbaa Seerummaa qisaasama qabeenyaa kan hir’isuufi tumsa kan cimsu ta’uu akka qabu Teewoodiroos Mihiret waltajjicharratti ibsaniiru.

Waltajjichaan yaadonni hojimaatilee ammayyaa sirna haqaa keessatti eegalaman cimsaniifi kenniisa tajaajilaa saffisiisan kan irratti ka’an ta’uu eeraniiru.

Sirna Abbaa Seerummaa bilisa ta’e cimsuun hojimaata marii, tumsaafi qindaa’aaf murteessaa ta’uun waltajjichaan eerameera.

Taarikuu Laggasaatu gabaase.

#Oromia #Ethiopia