Finfinnee, Bitootessa 27, 2017( FMC)- Sadarkaa biyyaalessaatti riifoormii tajaajilaafi bulchiinsaa hojiirra oolchuuf murannoo olaanaan hojjetamaa jira jedhan sadarkaa Ministira Muummee Itti aanaatti Ittigafatamaan Giddugala Qindeessa Ijaarsa Sirna Diimokiraasii fi Pirezidaantii Itti aanaan Paartii Badhaadhinaa Obbo Adam Faaraah.
Kaayyoo riifoormichaa ilaalchisee waltajjiin ijaarsa dandeettii hoggantoonni olaanoon mootummaa irratti hirmaatan gaggeeffamaa jiraachuu ibsaniiru.
Waltajjii “ Gahumsa Tajaajila Namarratti Xiyyeeffate” jedhuun gaggeeffamaa jirurraa yaadonni ijaarsaa argamaa jiraachuu miidiyaa hawaasummaa isaaniin ibsaniiru.
Riifoormichi dhimmoota guguddoo shan qabaachuu eeruun, hawaasa fayyadamaa kan taasisu, hoggansaafi qaamolee raawwachiistota ilaalcha keessa kan galche ta’uu himaniiru.
Karoora misoomaa waggoota 10 fi riifoormii diinagdee mandhalee 2ffaa milkaa’inaan hojiirra oolchuus kan dandeessisu ta’uu ibsaniiru.