Finfinnee, Bitootessa 26, 2017 (FMC) – Riifoormiin dameewwan garagaraa Itiyoophiyaan eegalte milkaa’inaan hojiirra oolaa jiraachuu Ministirri Muummee Itti aanaan Obbo Tamasgeen Xurunaan ibsan.
Yeroo imala jijjiiramaa milkaa’aa waggoota 7 kabajaa jirrutti mata duree “Ga’umsa Tajaajila Namarratti xiyyeeffate” jedhuun leenjii hoggantoota olaanoo Mootummaa Federaalaa guyyaa har’aa eegalchiisneerra jedhan.
Riifoormiin sirna tajaajila mootummaa si’ataa bu’uura cimaarratti ijaaruuf dandeessisu gaggeeffamaa jiraachuu ergaa miidiyaa hawaasummaa isaaniin ifoomsaniiru.
Riifoormichi biyya badhaateefi cimtuu Afrikaaf fakkeenya taatu ijaaruuf akkasumas fedhii tajaajilaa uummataa guutuuf gahee olaanaa qabaachuu eeraniiru.
Boqonnaa seena qabeessa kana milkeessuun sirna tajaajila mootummaa si’ataa diriirsuuf hoggantoonniifi hojjettoonni mootummaa hundi hojjechuu akka qabu hubachiisaniiru.
Leenjiin kun kan gaggeeffamus sanadoota sirna tajaajilaa mootummaa si’ataa ijaaruuf ragga’aniifi sadarkaa wixineerra jiran irratti ta’uu ibsaniiru.
Adeemsa Kanaan sadarkaa raawwiin riifoormii irra gahe, rakkoolee mudataniifi kallattiiwwan furmaataa irratti kan mari’atamu ta’uu eeraniiru.
#Oromia #Ethiopia