Finfinnee, Amajjii 18, 2017(FMC)-Sagantaan Gamtaa Hospitaalota Itiyoophiyaa Qulqullinaaf jedhu’ kenniinsa tajaajila hospitaalotaa fooyyessuuf Kan gargaaru ta’uu Ministirri Ministeera Fayyaa Dooktar Maqdas Dhaabaan ibsan.
Madaalliin biyyaalessaa raawwii hojii ji’oota jaha Sagantaa Gamtaa Hospitaalotaa qulqullinaaf jedhu Ministeerichaan qophaa’e Magaalaa Adaamaatti gaggeeffameera.
Gamaaggamicharratti,akka biyyaatti sirna fayyaa cimaa ijaaruun qulqullina tajaajilaa mirkaneessuun barbaachisaa ta’uun ibsameera.
Sagantaan Gamtaa Hospitaalota Itiyoophiyaa qulqullinaaf jedhu fedhii tajaajila fayyaa hawaasaa guddisuu fi kenniinsa tajaajila hospitaalotaa fooyyessuuf gumaacha olaanaa qaba jedhan.
Sagantaan kun bara 2004 kan qophaa’ee fi hanga boqonnaa 4ffaatti naannolee hunda keessatti hojiirra oolaa jiraachuun ibsamuu ragaan Ministeera Fayyaarraa argame ni mul’isa.
Hospitaalota gidduutti walitti dhufeenyaa fi deeggarsa cimaa uumuun fedhii yaala fayyaa hawaasaa guutuuf haala mijessaa jiraachuunis eerameera.