Finfinnee, Ebla 13, 2017 (FMC) –Shaampiyoon shippii kilaboota Ingilaandi torbee 44ffaan har’a taphoonni murteessoon kilaboota ol guddachuu danda’an adda baasan ni taphatamu.
Kilabootni 24 irratti hirmaachaa kan jiran shaampiyoon shippii kilaboota Ingilaandiin har’a sa’aatii 11 tti taphoonni 11 ni taphatamu.
Taphoota kanneen keessaa taphni dursaan shaampiyoon shippii Ingilaandi Leedsi Yuunaayitiid Istook Siitii waliin taphatu xiyyeeffannoo guddaa argateera.
Qabxii 91 walitti qabatee dursaa kan jiru Leedsi Yuunaayitiid qabxii 50’n sadarkaa 16ffaarra kan jiru Istook Siitii injifatee, Barnileey ammoo Sheefildi Yuunaayitid kan injifatu yoo ta’e, kallattiin Pirimeer liigii Ingilaandiitti kan guddatu ta’a.
Garaagarummaa galchiin caalamee sadarkaa 2ffaarra kan jiru Barnileey sadarkaa 3ffaarra kan jiru sheefild yuunaayitiid waliin galgala 1:30tti taphata.
Barnileey tapha kana yoo injifatee Leedsi Yuunaayitiid waliin walqabatani gara pirimeer liigiitti kan guddatan ta’a.
Shaapiyoon shiippii kilaboota Ingilaandiin kilaboonni sadarkaa 1ffaa fi 2ffaan xumuran kallattin pirimeer liigiitti yoo guddatan, kilaboonni sadarkaa 3ffaa hanga 6ffaan xumuran ammoo tapha moo’atani darbuu taphachuun kilabni injifatee kilaba 3ffaa gara piriimeer liigiitti ol guddatu ta’a.
Dajanuu Gonfaatu gabaase.
#Oromia #Ethiopia