Finfinnee, Guraandhala 12, 2017 (FMC) – Taphoota moo’anii darbuu Shaampiyoonsi Liigii Awurooppaan taphni deebii har’a Maadriid Maanchiister Siitii keessummeessuu hawwiin eegama.
Taphoota deebii Shaampiyoonsi Liigii Awurooppaan har’a halkan sa’aatii 2:45 eegalee Borushiyaa Doortmand Ispoortiingi Liizban keessummeessa.
Halkan sa’aatii 5:00 irraa jalqabee PSG – Birest, PSV – Juuveentus waliin yoo morkan, taphni Riyaal Maadriid Maanchiister Siitii keessummeessu xiyyeeffannoo argateera.
Tapha moo’anii darbuu marsaa jalqabaan Maadriid galchii 3 fi 2n Maanchiister Siitii injifachuun kan yaadatamuudha.
Carraa dirree keenya irratti argannetti fayyadamuu dhabuun hiree keenya dhiphiseera jedhan Leenjisaan Maanchiister Siirii Peep Gaardiyoolan.
Tapha halkan edaa taphatameen Baayerni Muunik, Kilab Biruuji, Feeyenoordi fi Beenifikaan ramaddii 16ffaa keessa galuu mirkaneeffataniiru.
#Oromia #Ethiopia