Finfinnee, Ebla 4, 2017 (FMC) –Taphoota Piriimeer Liigii Ingilaandi torbee 32ffaan taphni Maanchiister Siitiin – Kiristaal Paalaas, Niwuukaasiil – Maanchiister Yuunaayitiid keessummeessan ni eegama.
Har’a waaree booda sa’aatii 8:30 eegalee Maanchiister Siitiin Kiristaal Paalaas waliin taphata.
Sa’aatii 11:00 jalqabee taphoonni 3 kan taphataman yoo ta’u, Biraayitan – Leester Siitii, Nootingahaam Foresti – Eevartanii fi Saawuuz Hampitan – Astoon Viilaa waliin morkiin taasisan xiyyeeffannoo argateera.
Halkan sa’aatii 1:30 eegalee morkiin Arseenaal – Bireentifoordi waliin godhu ni eegama.
Boru waaree booda sa’aatii 10:00 jalqabee Cheelsiin – Ipisiwiich, Liiverpuul – Weest Haam, Woolviis – Tootenhaam waliin yoo morkatan, galgala sa’aatii 12:30 eegalee falmiin Niwuukaasii – Maanchiister Yuunaayitiid waliin falmatu xiyyeeffannoo argateera.