Finfinnee, Mudde 15, 2017 (FMC) –Ulfa Gadameessaan alaa jechuun ulfa keessoo gadameessan alatti uumamu ta’uu Ogeeyyiin fayyaa ni ibsu.
Akkasumas gadameessaan alaa yeroo hanqaaquun wal hormaataa gadameessaan alatti umaamuudha.
Ulfi gadameessaan alaatti iddoo garaagaraatti uumamuu kan danda’u ta’uu Hospitaalaa Yuunivarsiitii Wallaggaatti Ispheeshaalayizdiin Ulfaa fi Gadameessaa Dooktar Nagaasee Abbabaan Faanaa Diijitaal Miidiyaaf ibsaniiru.
Dubartoota ulfa’an keessaa 2% ulfa gadaamessaan alaa isaan mudachuu danda’a.
Ulfi gadameessa keessatti uumamu %95 ta’uu ibsuun gadameessaan alatti garuu garaa keessatti, balbala gadameessaatti uumamu danda’aa jedhan.
Sababoota Ulfa Gadameessaan alaatiif nama saaxilan:-
-Ujummoon gadameessaa umamaan rakkoo yoo qabatee
-wal’aansa baqaqsanii yaaluun miidhaan ujummoo gadameessaarra yoo qaqqabe
-Umuriidhaan
– dhibee wal-qunnamtii saalaan
Kana dura ulfa gadammeessaa alaaf yoo
saaxilaman carraan lammata jiraachuu mala jedhan Dooktar Nagaaseen
Mallattoollee ulfa gadameessaan alaa;-
Ulfi gadameessaan alaa mallattoo addaa hin agarsiisu garuu akkuma micireen guddachaa deemuun xiqqoo yeroo turu mallattoowwan adda addaa ni jiru.
Isaanis:
-Dhaabbachuu marsaa laguu
-Dhiiguu gadameessaa Darbe darbe
Ulfi gadameessaan alaa dho’uun rakkoo fayyaa hamaaf nama saaxiluu ni danda’a.
Dubartoonni wayita mallattoo addaa ofirratti argan hatattamaan buufata fayyaa deemu akka qaban dhaamaniiru.
Tsahaay Gulummaatiin .