Finfinnee, Guraandhala 26, 2017 (FMC) – Wal harkaa fuudhinsa Baallii Gadaa Booranaa sababeefachuun dorgommiin Biskileetii Magaalaa Finfinneetti eegalameera.
Dorgommii Biskileetii Tuurii Gadaa marsaan 8ffaan Gurraandhala 26 – 29, 2017tti kan dorgomamu yoo ta’u, xumurri isaas magaalaa Yaa’aballootti ta’a jedhame.
Dorgommichi mata duree “Biskileetiidhaan Dorgomaa, Aadaa fi Seenaa Keenya Beeksifna” jedhuun dorgomtoota naannolee Tigraay, Amaaraa, Sidaamaa, Hararii, Giddugala Itiyoophiyaa, akkasumas bulchiinsa magaalaa Finfinnee fi Diree Dhawaarraa walitti babba’an gidduutti dorgomama.
Kilaboonni akka Gaaraad, Itiyoo Elektiri, Akaadamii Ispoortii Itiyoophiyaa, magaala Shaggar, Poolisii Finfinnee dorgommicharratti hirmaachuu ragaan Biiroo Ispoortii fi Dargaggoo Oromiyaarraa argame ni mul’isa.
Gareen Biyyaalessaa Ruwaandaa Kiigaaliirraa dhufes dorgommicharratti hirmaachaa jiraachuus ibsameera.
#Oromia #Ethiopia