Finfinnee, Guraandhala 20, 2017 (FMC) – Xaa’oon bara oomishaa 2017/18’f oolu Meetirik Tooniin kumni 59 fi 968 ol buufata Jibuutii gahee buufamaa jiraachuun ibsameera.
Xaa’oo bara oomishichaaf barbaachisu kuntaala miiliyoona 24 keessaa meetirik tooniin kumni dhibbi 6 fi kumni 32 fi 965.2 gara biyya keessaatti geejjibsiifamuun eerameera.
Xaa’oon meetirik toonii miiliyoonni 1 fi kumni dhibbi 7 fi 763 dooniiwwan 13 fe’amee buufata Jibuutii gahuu Ministeerri Geejjibaa fi Loojistiksii beeksiseera.
Xaa’oon biyya keessa gale meetirik tooniin kumni dhibbi 6 fi kumni 32 fi 965 Daandii Baaburaa Itiyoo- Jibuutiin geejjibsiifamuun ibsameera.
Xaa’oo meetirik tooniin kuma dhibba 5 fi kuma 37 fi 625 ammoo konkolaattota fe’umsaa daangaa qaxxaamuraniin geejjibsiifamuu ragaan ministeericharraa argame ni mul’isa.