Atileet Itaalammaahu Sintaayyoo Maaraatoonni Doohaatti gaggeeffame injifatte
Finfinnee, Amajjii 9, 2017 (FMC)- Fiigicha Maaraatoonii Doohaatti gaggeffameen Atileet Itaalammaahu Sintaayyoo injifatteetti.
Atileet Itaalammaahu dorgommicha Sa’aatii 2 fi Daqiiqaa 21 fi sekoondii 43’n xumuruun yoo injifattu, Atileetonni Itiyoophiyaa biroon hanga sadarkaa 5ffaatti ba’uun xumuraniiru.
Haaluma kanaan Muluhabti Tsaggaa 2ffaa, Zinnaa Sanbataa 3ffaa, Miinat Ahimad 4ffaa akkasumas Sintaayyoo Xilaahuun 5ffaan xumuraniiru.
Dhiirotaan ammoo Atileetiin Keeniyaa Izraa Kiipkeetar Taanuuy dorgommicha sa’aatii 2 fi daqiiqaa 07 fi sekoondii 28’n xumuruun yoo injifatu, Atileetonni Itiyoophiyaa Baalawu Yihuunee 2ffaa, Mitikkuu Xaafaa 3ffaa akkasumas Dinqaalam Ayyalaa 4ffaan xumuraniiru.
Atileetonni Itiyoophiyaa biroon dorgommicharratti hirmaataan sadarkaa 6ffaa, 7ffa, 9ffaa fi 10ffaan xumaraniiru.