Fana: At a Speed of Life!

Ayyaanni Fichee Cambalaalaa duudhaalee bu’uura tokkummaa kan qabuudha- Obbo Dastaa Leeddaamoo

Finfinnee, Bitootessa 19, 2017( FMC)- Ayyaanni Fichee Cambalaalaa duudhaalee bu’uura Ida’amuu, Walkabajaafi tokkummaa of keessatte  kan hammate ta’uu Pireezidaantiin Naannoo Sidaamaa Obbo Dastaa Leeddaamoon ibsan.

Ayyaanni jijjiirraa bara haaraa Uummata Sidaamaa Fichee Cambalaalaan kabajamaa jira.

Obbo Dastaa Leeddaamoon kabaja ayyaanichaarratti haasawaa taasisaniin, addunyaarraa uummanni dhaha mataasaanii qaban muraasa ta’uu kaasuun, kanneen keessaa Uummanni Sidaamaa tokko ta’uu ibsan.

Ayyaantuuwwan Sidaamaa beekumsa uumamni kenneef hubachuun guyyaa Cambalaalaa jijjiirraa bara haaraa taasisuu isaanii eeraniiru.

Ayyaanichi duudhaalee bu’uura ida’amuu, walkabajaafi tokkummaa waan hammatuuf, hariiroo hawaasaa cimsuuf itti fayyadamuu qabna jedhan.

Pireezidaantiin Naannoo Kibba Itiyoophiyaa obbo Xilaahuun Kabbadaan gamasaaniin, Uummata Sidaamaa waliin Ayyaana Fichee Cambalaalaa kabajuuf Sooreesaa Gudumaaleetti argamuu keenyatti gammachuu guddaat nutti dhagahama jedhan.

Mintasinoot Mulugeetaatu gabaase.

You might also like

Leave A Reply

Your email address will not be published.