Baankiin Awaash hordoftoota amantii Islaamaa maamiltoota isaaf sagantaa Afxiraa gaggeesse
Finfinnee, Bitootessa 6, 2017 (FMC) – Baankiin Awaash sooma ramadaanaa 1446ffaa sababeeffachuun hordoftoota amantii Islaamaa maamiltoota isaaf Shaaraatan Addisitti sagantaa Afxiraa gaggeesseera.
Baankichi saganticha kan gaggeesse hordoftoota amantii islaamaaf hawwii gaarii qabu ibsuuf akkasumas deeggarsa maamiltoota isaaf qabu mirkaneessuuf ta’uu ibsameera.
Saganticharratti Pireezidaantii Mana Maree Dhimmoota Islaamummaa Sheek Hajii Ibraahim Tufaa, Hojii Raawwachiisaa Olaanaa Baankichaa Tsahaay Shifarraawu dabalatee hoggantoonni biroon baankichaafi keessummoonni biroon argamaniiru.
Baankichi Kanaan dura magaalota naannoleetti sagantaa afxiraa gaggeessaa kan ture yoo ta’u, yeroo itti aanuttis magaalota Samaraafi Jigjigaatti sagantichi akka qopheessu ibseera.
Dabalataanis baankichi Mana Barumsaa Awwaliyaaf Birrii miiliyoona 5, qotiisa boolla bishaanii Masjiida Anuwaariif Birrii miiliyoona 7 akkasumas wal’aansa dhukkubsattoota kalee hospitaalota garaagaraatti argamaniif Birrii miiliyoona 11.5 deeggareera.
Sa’aadaa Geetaachootu gabaase.
#Oromia #Ethiopia