Biriiteen Raashiyaa fi Yukireen gidduutti nageenyi waaraa akka uumamu hojjechaa jiraachuun ibsame

Finfinnee, Guraandhala 6, 2017 (FBC)-Biriiteen waraana waggoota lamaaf Raashiyaa fi Yukireen gidduutti gaggeeffamaa ture xumuruun nagaa waaraa gidduu isaaniitti uumuuf hojjechaa akka jirtu beeksiste.

Pireezdaantiin Ameerikaa Doonaaldi Tiraampii fi Pireezidaantiin Raashiyaa Vilaadmiir Puutiin waraana Raashiyaa fi Yukireen xumuruuf haala mari’achuuf akkaataa danda’an irratti bilbilaan mari’achuun ni yaadatama.

Kana hordofuun Ministirri Ittisaa Biriiteen Joon Heelii adeemsi kun Yukireen hirmaachisuu akka qabu cimsanii dubbataniiru.

Kanaaf, Raashiyaa fi Yukireen gidduutti nageenyi waaraan akka bu’uuf Biriteen cimtee akka hojjettu himaniiru.

Ministirri Ittisaa Ameerikaa Piit Heedjis gamasaaniin Pireezidaanti Tiraampi biyyoota lamaan gidduutti nagaa buusuuf yaalaa jiru jedhan.

Pireezidaanti Tiraampi Dhaabbataa Waadaa Waraanaa Atilaantik Kaabaa (NATO) waraana isaaf baajata olaanaa ramaduun daran akka cimu gaafachuu isaaniis hubachiisaniiru.

Erga waraanni Raashiyaa fi Yukireen eegalamee as Ameerikaan Yukireeniif deeggarsa waraanaa Doolaara biiliyoona 300 akka kennite yaadachiisaniiru.

Abeel Niwaayitu gabaase.

#Oromia #Ethiopia