Bitootessi 24 jijjiiramoota addaa fi seenaa galmeessera – Obbo Aganyahu Tashaagar

Finfinnee, Bitootessa 24, 2017 (FMC) – Bitootessi 24 jijjiiramoota addaa fi seenaa galmeessuu Af Yaa’iin Mana Maree Federeeshinii obbo Aganyahu Tashaagar ibsan.

Guyyaan jijjiiramni biyyaalessaa itti dhugoome Bitootessi 24 waggaa 7ffaan Mana Maree Federeeshiniitti kabajameera.

Guyyichi mata duree ‘Kaleessa, Har’aa fi Boru Guddummaa Itiyoophiyaaf’ jedhuun marii Paanaaliin kabajameera.

Saganticharratti argamuun ergaa kan dabarsan Af Yaa’iin Mana Maree Federeeshinii obbo Aganyahu Tashaagar, Bitootessi 24 jijjiiramoota addaa fi seenaa galmeesseera jedhan.

Injifannoo Itiyoophiyaa fiixee diigumsaarraa baraare, milkaa’inoonni diinagdee, hawaasummaa, Siyaasaa fi dippiloomaasii olka’iinsa Itiyoophiyaa dabalan itti galmaa’aan ta’uu himaniiru.

Jijjiiramicha itti fufsiisuu fi fayyadamummaa ummataa mirkaneessuun qooda hundaa ta’uu hubachiisaniiru.

Bitootessi 24 guyyaa tokkummaan Itiyoophiyaanotaa itti cime, fayyadamummaan ummataa fi hirmaannaan siyaasaa itti mirkanaa’e guyyaa addaa ta’uu Af Yaa’ii Itti aantuun Mana Maree Bakka Bu’oota Ummataa aadde Loomii Badhoon ibsuu ragaan Mana Maree Federeeshiniirraa argame ni mul’isa.

#Oromia #Ethiopia