Buna qulqullinaafi baay’inaan gabaa addunyaaf dhiyeessuuf hojjetamaa jira jedhame
Finfinnee, Guraandhala 24, 2017 (FMC) – Buna Qulqullinaafi baay’inaan oomishuuf sanyii filatamaa raabsuun cinatti buna dulloome gamashuun xiyyeeffannoon kennamee hojjetamaa jiraachuun ibsameera.
Hogganaan Biiroo Qonnaa Oromiyaa Obbo Geetuu Gammachuu fi Itti Gaafatamaan Ijaarsaa Paartii Badhaadhinaa Damee Oromiyaa Obbo Namarraa Buliin Godina Iluu Abbaa Booraa aanaa Mattuutti ooyiruu qonnaan bultoota buna dulloome gamashaa jiranii daawwataniiru.
Mootummaan bunni oomisha gadi aanaa kennu gamashamee bu’aa olaanaa akka kennuuf maashina ammayyaa kennuun qonnaan bultoota deeggeraa jiraachuun eerameera.
Misoomni bunaa qulqullinaafi baay’ina barbaadamuun gabaa addunyaaf dhiyeessuuf hojjetamaa jiraachuu Obbo Geetuun ibsaniiru.
Buna dulloome gamashuunii fi sanyii bunaa filatamoo ta’an raabsuun galiin qonnaan bulaa akka guddatuuf hojjetamaa jira jedhaniiru.
Godinichatti bara kana qulqullinaafi baay’ina oomisha bunaa guddisuuf Biqiltuu bunaa miliyoona dhibba 2 fi miiliyoona 61 qopheessuuf hojjetamaa jiraachuu ragaan BQOrraa argame ni mul’isa.
#Oromia #Ethiopia