Cabiinsa hamilee fi godaannisa seenaa guddina keenya duubatti hambisan haquu qabna-Dooktar Abiy Ahimad

Finfinnee, Guraandhala 8, 2017 (FMC)- Yaa’ii Gamtaa Afrikaa kanaan cabiinsa hamilee fi godaannisa seenaa guddina keenya duubatti hambisan haquu qabna jechuun Ministirri Muummee FDRI Dooktar Abiy Ahimad ibsan.

Dooktar Abiy Ahimad Yaa’ii 38ffaa Gamtaa Afrikaarratti haasawaa taasisanin, gaaffiin Afrikaa tola ooltummaa yookaan gargaarsa osoo hintaane, gaaffii haqaati jedhan.

Kabajaa lammiilee miliyoonaan lakkaa’amanii deebisuu, godaannisa hiyyummaa, walqixxummaa fi loogii fayyisuu barbaachisa jedhaniiru.

Qabeenyi uumamaa fi carraaleen Afrikaanotaa saamamuun dhaabbachuu akka qabu akeekaniiru.

Kana gochuufis miidhaalee ga’an ifoomsuu fi ajandaalee ciccimoo Afrikaanota egeree fayyadamtoota taasisan hojiirra oolchuun murteessaa ta’uu dubbataniiru.

Kanaafis hojii qabatamaa jecharra darbe hojjechuu akka barbaachisu ibsaniiru.

#AU #Oromia #Ethiopia