Chaayinaan addunyaa fooyyofte uumuuf tumsa biyyoota waliin  qabdu cimsitee kan itti fuftu ta’uu  ibsite

Finfinnee, Guraandhala 26, 2017 (FMC) – Chaayinaan addunyaa fooyyofte uumuuf tumsa biyyoota waliin qabdu cimsitee kan itti fuftu ta’uu ibsiteerti.

Manni Maree Olaanaan biyyattii yaa’ii waggaa gaggeessaa jiru irratti Chaayinaan addunyaa fooyyofte uumuuf tumsa biyyoota waliin qabdu cimsitee kan itti fuftu ta’uu Ministirri Muummee biyyattii Lii Kiyaang ibsaniiru.

Biyyattiin sirna fooyyee qabuu uumuufi fayyadamummaa hundaa mirkaneessuuf akka hojjettu eeruun, sirni addunyaa sirna qeenxeerraa gara sirna danuun durfamuutti cehuu akka qabus hubachiisaniiru.

Sirna diinagdee hirmaachisaafi hammataa uumuun, inisheetiivii misooma idil-addunyaa guddisuun,  inisheetiivii nageenyaa idil-addunyaa dabaluunii fi hojiirra oolmaan fooyya’iinsa sirna bulchiinsa addunyaa dhimmoota irratti xiyyeeffatamuu qaban  akka ta’anis eeraniiru.

Gama Kanaan Chaayinaan hojimaatawwan Viizaafi taarifarraa bilisa ta’an hojiirra oolchuu yaadachiisuun, hammattoowwan akka ‘Belt And Road’ fi deeggarsi  biroon cimanii kan itti fufan ta’uu mirkaneessaniiru jechuun CGTN gabaaseera.

#Oromia #Ethiopia