Deeggarsa Itti fufaa IMF sagantaa Riifoormii Diinagdee Gooroo Itiyoophiyaaf taasisuuf gatii ni kennina – Dooktar Abiy Ahimad

Finfinnee, Guraandhala 1, 2017 (FMC) – Ministirri Muummee FDRI Dooktar Abiy Ahimad Qormaata Diinagdee Gooroo barootaaf ture ce’uuf hojii jiijjiiramaa keenya xiyyeeffannoo cimaa fi abbummaan qabachuun tarkaaffiwwan hunda galeessaa fi seenaa qabeessa fudhanneerra jedhan.

Daawwannaa hojiif gara Itiyoophiyaa kan dhufan Daayrektara Olaantuu Dhaabbata Maallaqaa Addunyaa Kiriistaaliinaa Joorjiyeevaan baga nagaan dhuftan jedhaniiru.

Hojii riifoormii diinagdee Gooroo Itiyoophiyaaf deeggarsa Teeknikaa fi Maallaqaa Dhaabbanni Maallaqaa Addunyaa fi tattaaffii dhuunfaa Kiriistaaliinaa Joorjiyeevaan taasisaniif gatii olaanaa kennina jedhan Dooktar Abiy fuula miidiyaa hawaasummaa isaaniin.

Sagantaan Haaromsa Diinagdee Gooroo Itiyoophiyaa, sagantaalee deeggarsa gurguddoo IMFn maallaqaan gargaaraman keessaa tokko yoo ta’u, haala gaariin kan qophaa’ee fi abjuu guddinaa fi misoomaa keenya mul’ata biyyaalessaa fi ajandaa jijjiiramaa irratti hundaa’e kan of keessaa qabuudha jedhan.

Qormaata Diinagdee Gooroo barootaaf ture ce’uuf hojii jiijjiiramaa keenya xiyyeeffannoo cimaa fi abbummaan qabachuun tarkaaffiwwan hunda galeessaa fi seenaa qabeessa fudhanneerra jedhan.

Bu’aawwan sagantichaan argamanis qajeeloo fi jajjabeessaa ta’uu kaasan.

Hojiileen raawwatamaa jiran Diinagdee gooroo tasgabbeessuu, guddina saffisiisuu, jireenya lammiilee fooyyessuu yoo ta’u, kanaanis Itiyoophiyaa fakkeenya badhaadhina Afrikaa taasiisuudha jedhan.

#Oromia #Ityoophiyaa