Dandeettiin Fe’umsaa Geejjiba Baabuuraa Fooyya’aa Jira-Inj. Taakkalaa Uumaa

Finfinnee, Amajjii 29, 2017 (FMC)- Dandeettiin Fe’umsaa daldalaa alaa fi fichisiisaa Geejjiba Baabuuraa fooyya’aa jiraachuu Hoji raawwachiisaan Dhaabbata Geejjibaa Baaburaa Itiyoo-Jibuutii Injiinar Taakkalaa Uumaan ibsan.

Injiinar Taakkalaan dhaabbatichi meeshalee fe’umsaa dabaluun jijjiirama bu’uuraa taasisaa akka jiru gama miidiyaa hawaasummaa isaniin ibsaniiru.

Yeroo ammaas tajaajila fe’umsaa Andoodee-Adaamaa-Mojoo, Dirree Dhawaa-Sabbataa, babal’isuun akka danda’ames himaniiru.

Maashinariiwwan miidhaan irraa ga’es suphuun lakkoofsa baabura fe’umsaa 8 irraa gara 21tti guddisuuun akka danda’amee eeran.

Dabalataan fuurgoowwan baaburaa 892 turan gara 935’tti guddachuu ibsaniiru.

Kanaanis dandeettii deddeebii tajaajila fe’umsaa guddisuu ibsanii, hojmaanni buufataalee fe’umsaa fooyya’uun, damee tajaajila fe’umsaan saffisaa fooyya’aa fiduun, fedhii Tajaajila Geejjibaa Itiyoophiyaa guutuuf kan gargaaru ta’uu akeekaniiru.

#Oromia #Ethiopia