Dargaggoonni Aadaa dubbisuu fi hojii cimsachuu qabu jedhame

Finfinnee, Bitootessa 27, 2017(FMC) – Dargaggoonni Aadaa dubbisuu fi hojii cimsachuu akka qaban ibsameera.

Qindeessummaa Inistitiyuutii Qorannoofi Qo’annoo Oromoo, Biiroo Darggaggoofi Ispoortii Oromiyaafi Bulchiinsa Magaalaa Adaamaan waltajjiin dargaggootaa magaalaa Adaamaatti gaggeeffamaa jira.

Waltajjichi aadaa hojii uumuu dargaggootaa fi aadaa dubbisuu isaanii gabbisuuf kan qophaa’eedha jedhame.

Rakkoo hojii dhabdummaa mudachaa jiru furuuf xiyyeeffannoon hojjatamaa jiraachuunis himameera.

Egeree biyya tokkoo mirteessuu keessatti gaheen dargaggootaa olaanaa ta’uu isaatiin hojiilee dargaggootarratti bu’uureffatan irratti hojjechuun barbaachisaa ta’uun ibsameera.

Dargaggoonni Aadaa dubbisuu fi hojii cimsachuu akka qabanis dhaamameera.

Naa’ol Amsaaluutu gabaase.