Fana: At a Speed of Life!

Dargaggoonni Bulchiinsa Magaalaa Finfinnee fi Shaggar ayyaanni Cuuphaa karaa duudhaa isaa eeggateen akka kabajamuuf kan hojjetan ta’u ibsan

Finfinnee, Amajjii 9, 2017 (FMC) –Dargaggoonni Bulchiinsa Magaalaa Finfinnee fi Shaggar ayyaanni Cuuphaa karaa duudhaa isaa eeggateen akka kabajamuuf kan hojjetan ta’u ibsaniiru.

Dargaggoonni magaalota lameenii kabaja ayyaannicharrtti marii waloo gaggeessaniiru.

Magaalaan Finfinnee fi Shaggar hojiiwwan misoomaa, hawaasummaa fi nageenyaa irratti qindoominaan hojjechaa jiraachuun himameera.

Ayyaanni Irreechaa fi Masqalaa qindoominaan akkuma milkaa’e Ayyaana Cuuphaas karaa duudhaa isaa eeggateen akka milkaa’uuf hojii qindoominaan hojjetamu keessatti dargaggoonni magaalota lameenii dirqama isaanii bahachuu akka qaban ibsameera.

Maricharratti Itti Gaafatamaan Waajjira Paartii Badhaadhinaa Damee Magaalaa Shaggar Obbo Alamaayyoo Tulluu, Itti Aanaa Waajjira Paartii Badhaadhinaa Magaalaa Finfinnee Obbo Alamaayyoo Ijjiguu, Itti Gaafatamaa Waajjira Dargaggoo fi Ispoortii Magaalaa Shaggar Obbo Naasir Huseen dabalatee hoggansi Magaalaa Shaggarii fi Magaalaa Finfinnee akkasumas dargaggoonni Kutaalee Magaalaa Shaggar fi Magaalaa Finfinnee argamuu rgaan Kominikeeshinii Magaalaa Shaggarirraa argame ni mul’isa.

#Oromia #Ethiopia

You might also like

Leave A Reply

Your email address will not be published.