Dargaggoonni humnaa fi beekumsa qabaniin misoomaa fi nageenya biyyaaf hojjechuu qabu jedhame

Finfinnee, Gurraandhala 18, 2017 (FMC)- Mootummaan Naannoo Oromiyaa dargaggoonni humnaa fi beekumsa qaban fayyadamuun misoomaa fi nageenya biyyaaf akka hojjetaniif xiyyeeffannaa hojjechaa jiraachuu ibsameera.

Dargaggoota naamusa, beekumsaa fi ogummaa barbaachisuun yoo gahooman diinagdee biyyaaf horata olaanaa ta’uun eerameera.

Bu’uuruma Kanaan naannichatti leenjiin dandeettii rawwachiisummaa dargaggootaa cimsuurratti xiyyeeffate kennamuu eegaluu Biiroon Kominikeeshinii Oromiyaa ibseera.

Kaayyoon leenjichaas dargaggoonni injifannoo wareegama isaaniin argatan eeggachaa nageenyaa fi misooma naannichaa mirkaneessuu keessaatti gahee isaanii akka bahatanifi jedhame.

Leenjicha dargaggoota miiliyoona 2.1’f kennuuf karoorfamuu fi sadarkaa Godina, Magaaloota, Aanaa fi Gandatti kan kennmau ta’uu ragaan Kominikeeshinii Oromiyaarraa aragame ni mul’isa.

#Oromia #Ethiopia