Dooktar Abiy Ahimad, Hayyoonni Tigraay garaagartee isaanii mariin akka furan gaafatan

Finfinnee, Amajjii 26, 2017 (FMC) – Ministirri Muummee FDRI Dooktar Abiy Ahimad, Hayyoonni Tigraay garaagartee isaanii mariin furuun tokkummaa fi nageenya ummata naannichaa akka mirkaneessan gaafataniiru.

Dooktar Abiy haala waqtaawaa yeroo ammaa naannichaa bu’uura taasisuun Uummataa fi Hayyoota naannichaaf ergaa dabarsaniiru.

Uummanni Tigraay Uummata biyya isaa, nageenyaa fi hojii jaalatu ta’uu iccitii beekamuudha jedhan.

Uummatichi durii eegalee ummata maalummaa mootummaa bareechee beekuu fi ummattoota biroo waliin biyya ijaaruu keessatti qooda olaanaa qabu ta’uu ergaa isaaniin eeraniiru.

Waayita biyyi balaarratti kufte illee wareegama olaanaa kaffaluun biyya kan cichoomse ta’uu ibsan.

Uummatichi yeroo nageenya muraasa argateetti gama daldalaa, Qonnaa, Ogummaa Ijaarsaa, aartii fi damee Teeknooloojiin hojii ajaa’ibaa ummata hojjete ta’uu hubachiisaniiru.

Haa ta’uutii waggoottan darbaniif sababoota garaagaraan mootummaa giddugaleessaa waliin waldhabdee uumameen dacheen Tigraay dirree Waraanaa, ummanni naannichaa ammoo gatii kaffaluu ibsaniiru.

Mootummaan Federaalaas dhimmoota hundarratti humnoota kamuu waliin akkaataa haara mootummaan mari’achuun garaagartee yaadaa jiru karaa nagaan furuuf qophaa’ummaan jiraachuu hubachiisaniiru.

Hayyoonni naannichaa kana hubachuun sodaa ummataa hambisuuf, imimmaan haadholii qoorsuu fi dargaggoota godaansarraa baraaruuf akka hojjetan gaafataniiru.

Hunda caalaa ummanni naannichaa gara misoomaatti akka deebi’u garaagartee jiru mariin akka furan yaadachiisaniiru.

Dasitaa Takkaatiin

#0romiyaa #Ethiopia