Dooktar Abiy Daayrektera Olaantuu Dhaabbata Daldala Addunyaa waliin mari’atan

Finfinnee, Guraandhala 9, 2017 (FMC) – Ministurri Muummee FDRI Dooktar Abiy Ahimad Daayriktera Olaantuu Dhaabbata Daldala Addunyaa Dooktar Naagoizii Ookoonjoo waliin mari’atan.

Itiyoophiyaan waggoota darban keessa miseensa Dhaabbata Daldala Addunyaa ta’uuf yaalii gochaa turuu Ministirri Muummee FDRI Abiy Ahimad marii isaaniin ibsaniiru.

Miseensa dhaabbatichaa ta’uuf ulaagaalee barbaachisan gabaabsuuf hojjetamaa akka jirus hubachiisaniiru.

Riifoormii diinagdee Gooroo Ityoophiyaan hojiirra oolchaa jirtu ilaalchisees Daayrektarattiif ibsa kennaniiru.

Itiyoophiyaan haala dantaa biyyaalessaa ishee eeggeen miseensa dhaabbatichaa ta’uuf tattaaffii taasiftu itti fufti jedhan.