Fana: At a Speed of Life!

Dooktar Mangistuu Baqqalaan aanaa Sinaanaatti facaasaa qonna arfaasaa eegalchiisan

Finfinnee, Bitootessa 26, 2017 (FMC) –Ittigaafatamaan ijaarsa Paartii Badhaadhinaa Damee Oromiyaa Dooktar Mangistuu Baqqalaan Godina Baalee aanaa Sinaanaatti facaasaa qonna arfaasaa eegalchiisaniiru.

Aanaa Sinaanaatti lafa hektaara kuma 45 ol qonna Arfaasaan misoomsuuf hojjetamaa jiraachuu bulchaa itti aanaafi ittigaafatamaan Waajjira Qonnaafi Lafaa aanichaa Obbo Mu’aawiyyaa Fu’aad himaniiru.

Misooma baadiyaa galmaan gahuun badhaadhina maatii mirkaneessuuf hojiin godina Baaleetti hojjetamaa jiru abdii kan namatti horu ta’uu Ittigaafatamaan ijaarsa Paartii Badhaadhinaa Damee Oromiyaa Dooktar Mangistuu Baqqalaan ibsaniiru.

Qonnaan bultoonni aanaa Sinaanaa, sanyii filatamaafi callaa guddistuu karaa saayinsaawaa ta’een hojiirra oolchuun kilaastaraan facaasaa jiraachuu dubbataniiru.

Godina Baaleetti qonna arfaasaatiin lafa hektaara kuma 200 fi kuma 54 fi 471 facaasuuf karoorfamee hojjatamaa jiraachuu ragaan waajjira qonnaa godinichaarraa argame nimul’isa.

#Oromia #Ethiopia

You might also like

Leave A Reply

Your email address will not be published.