Fana: At a Speed of Life!

Duulli bakka bultii Taabotaa qulqulleessuu gaggeeffame

Finfinnee, Amajjii 9, 2017 (FMC)- Ayyaana Cuuphaa Sababeefachuun Duulli bakka bultii Taabotaa Hurufa Boombii (Jaanmeedaa) qulqulleessuu gaggeeffameera.

Duulichis mata duree “Ayyaana Cuuphaa Finfinnee Qulqullooftuutti” jedhuun gaggeeffameera.

Saganticharratti Hoji Gaggeessaan Bulchiinsa Magaalichaa Injiinar Wandimmuu Seetaan, Ayyaana Cuuphaa sababeeffachuun bakka bultii Taabootaa, qulqulluu fi mijataa taasisuuf hojiilee bal’aa hojjetamuu dubbataniiru.

Ayyaanicha kabajuuf hirmaattoonni sirna kataraa fi cuuphaaf imalanii fi daandii konkolaataa hojiin qajeelchuu gaggeeffamuu kaasanii, hojiileen Magaalaa Finfinnee qulqulluu fi miidhagduu taasisuu xiyyeeffannaan hojjetamaa jiraachuu kaasaniiru.

Itti Gaafatamaan Qajeelcha Pirojektii Mana Amantaa Ortodoksii Itiyoophiyaa Luba Waldayyesuus Seefuu gama isaaniin, Ayyaanni Cuuphaa jaalalaa fi walooma kan barsiisuudha jedhan.

Naannawaa kabaja ayyaanichaa duulaan qulqulleessuurratti bakka bu’oota amantaalee fi kutaalee hawaasaa hirmaatan galateeffataniiru.

Barreessan Yaa’ii Dhaabbilee Amantaalee Magaalaa Finfinnee Luba Taammiraat Abagaaz, ayyaanonni amantaa hundi duudhaalee gaggaarii tokkummaa fi walta’iinsa cimsan ta’uu himaniiru.

Ayyaanonni kunneen miidhagaan akka kabajaman taasisuun maqaa gaarii biyyaa ijaaraa jiraachuu dubbachuu TOI gabaaseera.

#Oromia #Ethiopia

You might also like

Leave A Reply

Your email address will not be published.