Fiilmiin ”Abbaa Malkaa” eebbifame

Finfinnee, Guraandhala 16, 2017 (FMC)–Fiilmiin Afaan Oromoo ”Abbaa Malkaa” jedhamuun qophaa’e Galma Tiyaatiraa Biyyaalessaatti sirnoota garaagaraan eebbifame.

Sira eebbichaarratti hayyoonni, Aartistoonni bebbeekamoon, keesummoonni garaagaraa fi jaalatoonni filmii argamaniiru.

Fiilmiin “Abbaa Malkaa” qulqulinaan, barattoonni Akkaadaamii Taattummaa Abbaa Lataa irratti  kan irratti hirmaatan ta’uun ibsameera.

Qabiyyeen fiilmii kanas beekumsa, safuufi duudhaa uummata Oromoo irratti kan xiyyeeffate, indaastirii Fiilmii Afaan Oromoo guddisuu keessatti gahee olaanaa qabaachuun eerameera.

Fiilmii kana irrattis taatoonni 100 ol hirmaataniiru.

Feenan Nuguseetu gabaase.

#Oromia #Ethiopia