Finfinneetti ijaarsa weerara lafaan ijaaramerratti tarkaanfiin fudhatame
Finfinnee, Guraandhala 30, 2017(FMC)-Magaalaa Finfinneetti ijaarsa lafa baankii lafaa jala gale irratti ijaaramerratti tarkaanfiin fudhatamuu Abbaan Taayitaa Kabachiisa Danbii magaalichaa beeksise.
Kutaa Magaalaa Aqaaqii Qaallittii aanaa 2’tti namoonni dhuunfaa 2 lafa baankii lafaa jala galee ture lafa karee meetira 1000 irratti kaartaa bara 2012 qabna jechuun karaa seeraan alaa eeyyama ijaarsaa baasuuniifi laficharratti dallaa ijaaruun ijaarsa seeraan alaa osoo gaggeessanii to’atamuu ibsameera.
Ijaarsa seeraan alaa ijaarame diiguun, namoota badii raawwatan seeratti dhiyeessuuf raga qindeessaa jiraachuu fi labsii liiziin gaafatamoo taasisuuf adeemsarra jiraachuu eerameera.
Tarkaanfiin namoota seeraan ala socho’an irratti fudhatamu cimee kan itti fufu ta’uu ragaan abbaa taayitichaarraa argame ni mul’isa.
Jiraattonni magaalichaa namoota danbii cabsan wayita argan karaa toora bilibilaa 9995 eeruu akka kennan gaafateera.
#Oromia #Ethiopia