Fooyyessi Imaammata Diingadee Gooroo rakkoole damichaan turan fureera – Dooktar Iyyoob Takkaalinyi

Finfinnee, Bitootessa 10, 2017 (FMC) – Fooyyessi Imaammata Diingadee Gooroorratti taasiifame rakkoole damichaan turan furuu danda’uu Ministir Deetaan Ministeera Maallaqaa Dooktar Iyyoob Takkaalinyi himan.

Dooktar Iyyoob, Qopheessummaa Waajjira Ministira Muummeen gaaffilee hawaasarraa ka’aniif deebii kennuu qophii “Soba moo Dhugaa” jedhu irratti argamuun gaaffilee damee Diinagdeen dhiyaataniif deebii kennaniiru.

Fooyyessa Imaammata Diinagdee Gooroo hojiirra oolchuuf qophiin barbaachisu taasiifamee gara hojiitti galamuu isaanii bu’aa gaariin galmaa’uu kaasaniiru.

Gama dhiyeessii oomishaaleen hojiilee hedduun hojjetamuu himuun, qaala’iinsa gatii mudatee ture hir’isuun danda’ameera jedhan.

Garaarummaa sharafa alaa Baankootaa fi karaa seeraan alaa gidduu ture sirreessuuf gumaacha olaanaa bahachuu eeraniiru.

Dhiibbaan Qaala’iinsa jireenyaa hawaasa mindeeffamanii jiranitti ammas itti fufu kaasaniiru.

Rakkicha furuuf fooyyessi mindaa taasiifamuu himuun, yaa ta’uutii ammallee wantoonni sirreeffamuun irra eegamu jiraachuu dubbataniiru.

Fooyyessi Imaammata Diinagdee Gooroo bu’aa qabeessa ta’uu kaasuun, kana itti fufsiisuuf tumsaa fi xiyyeeffannoon hojjechuun murteessaa ta’uu hubachiisaniiru.

Gama mootummaan daballiin gibiraa taasiifame kan hin jirre ta’uu eeruun, dhiibbaa qaala’iinsa jireenyaa salphisuuf mootummaan Birrii biiliyoona 70 Boba’aa qofaaf ramaduun deeggarsa gochaa jiraachuu ibsaniiru.

Wandimmaaganyi Tsaggaayeetu gabaase.

#Oromia #Ethiopia