Godinaalee Oromiyaa garaagaraatti Duulli Misooma Sululaa gaggeeffamuu eegale

Finfinnee, Amajjii 15,2017 (FMC)- Godinaalee Oromiyaa garaagaraatti Duulli Misooma Sululaa guyyoota 60’f turu gaggeeffamuu eegaleera.

Godina Wallagga Bahaatti hojii Misooma sululaa Aaanaalee Godinichaa keessatti hojjeetamaa jiraachuun ibsameera.

Akka Godina wallagga Bahaatti bara kana lafti heektara kuma 100 fi kuma 88 olrratti hojiin misooma sululaa kan hojjetamu ta’uun ibsameera.

Haaluma wal fakkatuun Godina Jimmaatti hojiin eegumsa qabeenya uumamaa bara 2017 guyyoota 60’f turu eegaleera.

Hojiin kun aanaalee godinichaa hunda keessatti har’a eegale kan gaggeeffamu ta’uun eerameera.

Godinichatti hojii qabeenya uumamaan sululoota 510 keessatti lafa hektaara kuma 200 fi kuma 89 ol hawaasa miliyoona tokkoo ol hirmaachisuun hojjechuuf karoorfamuun ibsameera.

Galaanaa Tasfaa fi Na’imaa shekalifaatu gabaase.

.