Fana: At a Speed of Life!

Guraandhalli 12, guyyaan wareegamtootaa kabajamaa jira

Finfinnee, Guraandhala 12, 2017 (FMC) – Guraandhalli 12, guyyaan yaadannoo wareegamtootaa waggaa 88ffaan magaalaa Finfinneetti kabajamaa jira.

Abrahaam Doboocii fi Mogos Asgidoom Ajajaa waraana Xaaliyaanii kan turan Ruudoolfi Giraaziiyaaniirratti Bombii darbachuu hordofee weerartoonni waraana Faashisti Xaaliyaanii Guraandhala 12, 1929 jiraattootta magaalaa Finfinneerratti Ajjeechaa suukaneessaa raawwachuun kan yaadatamuudh.

Sababa kanaan Guraandhalli 12 waggaa waggaan yaadannoo wareegamtootaa jedhamuun kabajama.

Guyyaa kana lammiilee kumni 30 ol ajjeefamuu isaanii seenaan ni dubbata.

Guyyicha dargaggoonni, qondaaltoonni waraanaa, abbootiin amantaaleefi kanneen biroo haala suukaneessaa ta’een ajjeefamuutu himama.

Siidaan Yaadannoo wareegamtoota kanneenii Caffee Araanaattti dhaabbatee jira.

#Oromia #Ethiopia

You might also like

Leave A Reply

Your email address will not be published.