Gurmaa’insi caasaa gandaa haaraan hawaasni tajaajila si’ataa dhiyeenyatti akka argatu taasisaa jira jedhame
Finfinnee, Bitootessa 2, 2017 (FMC) – Gurmaa’insi caasaa gandaa haaraan hawaasni tajaajila si’ataa, haqa qabeessaa fi iftoomina qabu dhiyeenyatti akka argatu taasisaa jiraachuun ibsame.
Mootummaan naannoo Oromiyaa rakkoo kenna tajaajilaa fi bulchiinsa gaarii naannichatti mul’ataa jiru bu’urarraa furuuf hawaasni tajaajila si’ataa,haqa qabeessafi iftoomina qabu qabeenyaa fi yeroo osoo hin qisaasessin dhiyeenyatti tajaajila akka argatuuf gurmaa’insa sadarkaa gandaatti gadi buuseera.
kanaanis iddoowwan heddutti bu’aa abdachiisaan mul’achuun eerameera.
Haaluma kanaan sadarkaa Itti Aanaa Pireezidaantiitti Qindeessaan Kilaastera Baadiyyaa Naannoo Oromiyaa Obbo Addisuu Araggaa sochii gurmaa’insa haaraa gandaa fi hojiiwwan misoomaa garaa garaa Godina Shawaa Kibba Lixaa aanaa Iluutti hojjetamaa jiran daawwachaa jiraachuu ragaan Biiroo Kominikeeshinii Oromiyaarraa argame ni mul’isa.