Gurmaa’insi Caasaa Gandaa Haaraan rakkoo Kenna Tajaajilaa duraan ture nuuf fureera – Jiraattoota Aanaa Wancii
Finfinnee, Guraandhala 13, 2017 (FMC)- Gurmaa’insa Haaraa Caasaa Gandaarraa Tajaajila si’ataa fi qulqullina qabu argachaa jiraachuu Jiraattonni Godina Shawaa Kibba Lixaa Aanaa Wancii Gandoota Baadiyyaa garaagaraa ibsan.
Mootummaan Naannoo Oromiyaa fedhii fi Faayidaa Ummataa mirkanneessuuf Gurmaa’insa caasaa Gandaa Haaraa hojirra oolchuun ni yaadatama.
Haaluma kanaan Gurmaa’insi Caasaa Gandaa Haaraan Kenna tajaajilaa si’ataa fi qulqullina qabu Ummataaf kennuu fi rakkoolee bulchiinsa gaarii sadarkaan jiran furuuf gargaara jedhameera.
Faanaa Dijitaal Hojiilee Gurmaa’insi Caasaa gandaa haaraan Godina Shawaa Kibba Lixaa Aanaa Wancii Gandoota garaagaraatti hojjetaa jiru daawwateera.
Jiraattoonni Gandoota Meexxii Waalgaa fi Balballaa Bulbulloo akka ibsaniti, erga gurmaa’insi caasaa gandaa haaraan hojii eegalee dhamaatii duraan ture hambisuufii himan.
Tajaajiloota hunda bakka tokkootti argachaa jiraachuu Faanaa Diijitaaliif ibsaniiru.
Tajaajiloota bu’uuraalee misoomaa kanneen akka Bishaan dhugaatii qulqulluu, daandii keessa keessaa fi inisheetiviiwwan garaagaraa argachuu himan.
Akkasumas tajaajila Mana Murtii Aadaa, bulchiinsaa fi tajaajiloota mootummaa garaagaraa dhiyeenyatti argachaa jiraachuu dubbataniiru.
.
Bulchaa Itti Aanaan Ganda Meexxii Waalgaa Obbo Taammiraat Hirphaasaan gamasaaniin, miira aantummaan hawaasa gandichaaf tajaajila malu kennaa jiraachuu himan.
Bulchaan Ganda Balballaa Bulbulloo Obbo Fayyisaa Likkiisaanis rakkoowwan kenna tajaajilaatiin wal qabatanii turan bu’uurarraa furuun tajaajila si’ataa fi qulqullina qabu hawaasaaf kennuuf murannoon hojjechaa jiraachuu dubbatan.
Godina Shawaa Kibba Lixaa Aanaalee 12 keessatti gandoonni Baadiyyaa 285 fi magaalaa 32 waliigalaa Gandoonni 317 Gurmaa’insa caasaa ganda haaraan hundaa’uun hojitti galuu Bulchaa Itti Aanaan Godinichaa Obbo Sintaayyoo Naggasaan ibsaniiru.
Tsahaay Gulummaatu gabaase.
#Oromia #Ethiopia
Odeeffannoowwan waqtaawaa dabalataa argachuuf;
Teelegraama https://t.me/afanoromofana
Yuutyuubii Afaan Oromo: https://bit.ly/3FjfCXR
Marsariitii fanabc.com/afaanoromoo
Twiitara https://twitter.com/fanatelevision nu duukaa bu’aa
Feesbook:https://www.facebook.com/afaanoromoofana/
Yeroo maraa nu waliin waan taataniif isin galateeffanna