Gurmaa’insi Gandaa rakkoo hawaasaa furaa jira – Obbo Awwaluu Abdii
Finfinnee, Amajjii 17, 2017(FMC) – Pireezidaantii Itti Aanaan Mootummaa naannoo Oromiyaa Obbo Awwaluu Abdiin Godina Shawaa Lixaa Aanaa Ambootti Waajjira Gandaa Boojjii Gabbisaa fi Ganda Goosuu Qooraa hirmaannaa hawaasaan ijaarame eebbisan.
Mootummaan Naannoo Oromiyaa dhimmoota nageenya, misoomaa fi kenna tajaajilaa irratti xiyyeeffannoon hojjechaa jiraachuu Obbo Awwaluun saganticharratti ibsaniiru.
Hawaasni nageenya naannoosaa eeggachaa hojii misoomaa irratti xiyyeeffachuu akka qabu dhaamaniiru.
Gurmaa’insi Gandaa rakkoo hawaasaa bu’uurarraa furaa jiraachuus dubbachuu ragaan BKO irraa argame ni mul’isa.