Guyyoottan kurnan itti aanaan naannawaa rooba Arfaasaa argatanitti hammi roobaa cimee itti fufa – Inistiityuuticha

Finfinnee, Bitootessa 24, 2017 (FMC) – Kutaaleen Kibbaa fi Kibba Lixaa sa’aatii 24 keessatti rooba hammaan cimaa ta’e argachuu akka danda’an Inistiityuutiin Raaga Haala Qilleensaa Itiyoophiyaa beeksise.

Inistiityuutichi haala qileensaa Bitootessa 23 hanga Ebla 2, 2017tti jiru fuula miidiyaa hawaasummaa isaan ifoomseera.

Kutaaleen Kibbaa fi Kibba Lixaa sa’aatii 24 keessatti Rooba hammaan cimaa ta’e argachuu malu jedheera.

Kutaalee Kibba Lixaa, Kibba, Giddugaleessa, Bahaa fi Kaaba Bahaa akkasumas naannawaa Sulula Qiinxamaatti haalli qilleensaa uumamuu Roobaaf sababa ta’u kan mul’atu ta’uu himeera.

Naannawaa rooba Arfaasaa argatan dabalatee kutaaleen Kibba Lixaa fi Lixa biyyattii Rooba salphaa hanga giddugaleessatti kan argatan ta’uu ibseera.

Haala qabatamaa jirurraa ka’uun Kutaaleen Kibba Lixaa fi Lixaa sa’aatii 24 keessatti rooba hammaan olaanaa ta’e hanga miilii meetira 30 argachuu akka danda’an ragaan ni mul’isa jedheera.

Gama biroon naannoon Gaambeellaa, Afaar, Somaalee, Beenishaanguul Gumuzii fi kutaaleen Lixa naannoo Amaaraa hoo’a hammaan olaanaa ta’e argatu jedheera.

#Oromia #Ethiopia