Guyyoottan kurnan itti aanaan Roobni qonna Arfaasaaf mijataa ta’e ni jiraata – Inistityuuticha
Finfinnee, Amajjii 26, 2017 (FMC) – Guyyoottan kurnan itti aanaan keessa Roobni naannawaa qonna Arfaasaa qabaniif mijataa ta’e akka jiraatu Inistityuutiin Raaga Haala Qilleensaa Itiyoophiyaa beeksiise.
Baatii Guraandhalaa dhufu keessaa hammi Roobaa suuta suutaa dabalaa kan deemu ta’uu ragaan ni mul’isa jedheera.
Haaluma kanaan Guyyoottan kurnan itti aanan keessa kutaalee Kibba Lixaa, Kibbaa, Kaaba Bahaa, Bahaa, Giddugaleessaa fi naannawaa sulula Qiinxamaatti Roobni hammaan giddugaleessa ta’e kan jiraatu ta’uu ibseera.
Kunis naannawaa qonna Arfaasaa qabaniif faayidaa olaanaa qabaachuu eereera.
Akkasumas naannawaa Horsiisee Bultootaa fi Gariin Horsiisee bultootaaf dhiyeessa Bishaanii fi Marga Dheedumsaa fooyyeessuuf gumaacha olaanaa qaba jedheera.
Gama biroon Naannawaan Waabii Shabalee, Ogaadeen, Ayishaa, Marab Gaash, Gidduleessii fi Awaash garri gadii, Sululli Abbayaa, Takkazee fi Sululli gara Gadii Baaroo haala qilleensaa Gogaa ta’e akka qabaatan raaguu TOI gabaaseera.