Haadha ijoollee ishee mana barumsaa geessaa turte dabalatee balaa Tiraafikaan lubbuun namoota 3 darbe
Finfinnee, Amajjii 13, 2017 (FMC) – Magaalaa Dabra Birhaanitti Haadha Ijoollee ishee mana barumsaa geessaa turte dabalatee Balaa tiraafikaan lubbuun namoota 3 darbuun ibsame.
Konkolaataan fe’umsaa Finfinneerraa gara Dabra Birhaanitti imalaa ture daandii gadilakkisuun lubbuu namoota 3 galaafateera.
Balichi har’a ganama sa’aatii 1:30 tti kan mudate yoo ta’u,haadha ijoollee ishee mana barumsaatti geessaa turte dabalatee lubbuun namoota sadii darbuu Poolisiin magaalaa Dabra Birhaan ibseera.
Balichaan namoota 9 irra miidhaan cimaa fi salphaan qaqqabuun ibsameera.
Ka’umsi balichaa ariitiin konkolaachisuu ta’uunis himameera.
Alaayyuu Garramawutu gabaase.