Hawaasni Musiliimaa nageenya biyya isaa eeggachuu qaba – Sheek Hajii Ibraahiim Tufaa

Finfinnee, Amajjii 25, 2017 (FMC) – Hawaasni Musiliimaa yeroo kamiiyyuu caalaa nageenya biyya isaa eeggachuu akka qabu Pireezidaantiin Mana Maree Waliigalaa Dhimmoota Islaamummaa Itiyoophiyaa Sheek Hajii Ibraahiim Tufaan dhaaman.

Dorgommiin xumuraa Qur’aanaafi Azaanaa idil addunyaa 2ffaan qopheessummaa Mana Maree Dhimmoota Islaamummaa Itiyoophiyaafi Waldaa Qur’aanaa Zayid Ibnuu Saabiitiin har’a Istaadiyeemii Finfinneetti gaggeeffameera.

Sheek Hajii Ibraahiim Tufaan dorgommicharratti argamuun ergaa dabarsaniiru.

Dorgommichi jaalalaa fi kabaja Qur’aanaaf qabnu kan mul’iseedha jedhan.

Ulaamawwan mana marichaa dorgommichi akka milkaa’uu tattaaffii taasisan galateeffataniiru.

Nageenyi ilma namaaf murteessaa ta’uu isaan hawaasni Musiliimaa yeroo kamiiyyuu caalaa nageenya isaa eeggachuu akka qabu dhaamaniiru.

#0romiyaa #Ethiopia