Hidha Guddicha Haaromsa Itiyoophiyaatti Qurxummiin bal’inaan oomishamaa jiraachuun ibsame

Finfinnee, Mudde 19, 2017 (FMC)- Hidha Guddicha Haaromsa Itiyoophiyaa fi Kutaalee biyyaattii garaagaraarratti Qurxummiin bal’inaan oomishamaa jiraachuu Ministeerri Qonnaa ibse.

Mootummaan dandeetti qurxummii qulqullinaa fi baay’inaan oomishuu guddisuuf imaammataa fi tarsiimoowwan garaagaraa bocuun hojirra oolchaa jiraachuu Ministir Deetaan Ministeera Qonna Dooktar Fiqruu Raggaasaan ibsaniiru.

Haaluma kanaan Hidha Guddicha Haaromsa Itiyoophiyaa fi kutaalee biyyaatti garaagaraarratti Qurxummiin bal’inaan oomishamaa jiraachuu himaniiru.

Ministeerri Qonnaa bara baajatichaatti cuuciiwwan Qurxummii miiliyoona 9 fi kuma 200 kutaalee biyyaattii garaagaraaf raabsuuf hojjechaa jiraachuu eeraniiru.

Hanga ammaattis cuuciiwwan Qurxummii miiliyoona 4 fi kuma 500 raabsuu ibsuun, kunis cimee kan itti fufu ta’uu eeruu isaanii Tajaajilli Oduu Itiyoophiyaa gabaaseera.