Fana: At a Speed of Life!

Hidha Haaromsaa Guddicharraa oomishni Qurxummii Tooniin kuma 1 fi 900 ol argame.

Finfinnee, Amajjii 14, 2017 (FMC) – Hara namtolchee Hidha Haaromsaa Guddicha Itiyoophiyaarrraa Oomishni Qurxummii tooniin Kuma 1 fi 950’n argamuu Biiroon Qonnaa Naannoo Beenishaangul Gumuz beeksiseera.

Daayrektarri Misooma Qurxummii fi Beeyladaa Biirichaa Obbo Haayiluu Yirgaa Faanaa Dijiitaaliif akka himanitti, ji’oottan jahan darban oomisha qurxummii guddisuuf xiyyeeffannaan hojjetamaa tureera.

Addumatti Misooma qurxummii Hidha Haaromsaa Guddicha keessatti gaggeeffamu cimsuuf tumsaan hojjetamaa jiraachuu ibsan.

Hanga ammaatti waldaaleen 74 Hidhicharratti gurmaa’anii beekamtii argatan keessaa 28 hojii eegaluu ibsanii, saaphana qurxummiin ittiin qabamuu fi nyaata qurxummii hojjechuu irratti leenjiin hojii kennamuu kaasaniiru.

Walakkaa waggaatti oomisha qurxummii Toonii kuma 1 fi 947 oomishuun konkolaachistoota maashina qorrisiisaa qaban 12’n gabaa giddugalaaf dhiyeessuun akka danda’ames ibsaniiru.

Malaakuu Gaddiftu gabaase.

You might also like

Leave A Reply

Your email address will not be published.