Hoggantonni olaanoo Naannoo Oromiyaa Bitootessa 24 sababeeffachuun hojiilee misoomaa daawwatan
Finfinnee, Bitootessa 23, 2017 (FMC) – Hoggantonni olaanoo Mootummaa Naannoo Oromiyaa fi Bulchiinsa magaalaa Shaggar Bitootessa 24 sababeeffachuun Kutaa magaalaa Galaan Aanaa Andoodeetti qamadii jallisii boneen misoome daawwachaa jiraachuun ibsame.
Itiyoophiyaan milkaa’inoota hunda galeessa gama siyaasaa, diinagdee, hawaasummaa fi hariiroo alaan gonfatte kunuunfachaa, qormaatilee uumamaa fi namtolchee mudatan qolachuun milkaa’aa jiraachuun ibsameera.
Haaluma kanaan Bitootessa 24, guyyaa seena qabeessa sababeeffachuun hoggansi olaanoo sadarkaa naannoo, magaalaa Shaggarii fi hawaasni magaalichaa daawwannaa hojiilee misoomaa garaagaraa gaggeessaa jiraachuu ragaan Biiroo Kominikeeshinii Oromiyaarraa argame ni mul’isa.