Hojii Bulchiinsaa hawaasaatti dhiyeessuuf Gandoota Cimsuun murtessaadha-Dooktar Abiy Ahimad

Finfinnee, Guraandhala 27, 2017 (FMC)- Hojii Bulchiinsaa hawaasaatti dhiyeessuuf caasaalee Gandoota Cimsuun murtessaa ta’uu Ministirri Muummee FDRI Dooktar Abiy Ahimad ibsan.

Naannoo Oromiyaatti bulchiinsa ummataaf dhihoo ta’e uumuuf tattaaffiin taasifamaa jiraachuu Dooktar Abiy ibsaniiru.

Haaluma kanaan Dooktar Abiy Ahimad Aanaa Ambootti sochii Gurmaa’insa Caasaa Gandaa daawwachuu himaniiru.

Naannichatti Gandoonni haaraa kumni 7 fi 342 Gurmaa’uu ibsuun, Humni namaa kumni 50 ramadamuus eeraniiru.

Tajaajilli ogummaa fi bulchiinsaa kanaan dura aanaalee keessatti kennamaa ture sadarkaa Gandaattis humna namaa guutuun kennamaa jiraachuu ibsaniiru.

Haaluma walfakkatuun Dooktar Abiy Ahimad Pirojektii Qaama Loojii Ikkoo Dandii Wancii ta’e sadarkaa ijaarsa Loojii Dandii daawwataniiru.

Ijaarsi Pirojektichaa xumuramaa jiraachuu himuu ragaan Waajjira Ministira Muummeerraa argame ni mul’isa.

#Oromia #Ethiopia