Hojirra oolmaa Fooyyeessii Imaammata Diinagdee Gooroon booda dhiyeessiin sharafa alaa sadarkaa olaanaan dabaleera – Dooktar Fitsuum Asaffaa

Finfinnee, Bitootessa 10, 2017 (FMC) – Hojirra oolmaa Fooyyeessii Imaammata Diinagdee Gooroon booda dhiyeessiin sharafa alaa sadarkaa olaanaan dabaluu Ministirri Ministeera Pilaanii fi Misoomaa Dooktar Fitsuum Asaffaan ibsan.

Waajjira Ministira Muummeen kan qophaa’ee fi gaaffilee uummataaf deebiin kan itti kenname qophii “Soba moo Dhugaa” jedhu irratti argamuun gaaffilee ummatarraa ka’aniif Dooktar Fitsuum deebii kennaniiru.

Warshaaleen sababa hanqina dhiyeessii sharafa alaan hojii dhaabanii turan jiraachuu eeruun, ammatti rakkichi furamuu mirkaneessaniiru.

Hojirra oolmaa Fooyyeessii Imaammata Diinagdee Gooroon booda dhiyeessiin sharafa alaa sadarkaa olaanaan dabaluu dubbataniiru.

Shaqaxaaleen sharafa alaa argamiisuun madda olaanaa ta’uu kaasaniiru.

Kunis kan bara darbee yeroo walfakkaatuun yoo madaalame % 102 dabaluu ibsaniiru.

Dhiyeessiin Meeshaalee Kaappitaalaa Galteewwan Indaastirii Oomishaa kan bara darbee caalaa % 20 guddachuu himan.

Dabalataan baatiwwan torban darban dhaabbilee deeggartoota misoomarraa Doolaarri biiliyoonni 3.9 argamuu eeraniiru.

Maallaqni alaa ergamu( Reemiitaansiin) % 14 dabaluu ibsaniiru.

Baankiin Biyyaalessaa sharafa alaa caalbaasiin gabaaf dhiyeessuu himuun, kanaanis Baankileen Sharafa alaa Doolaara biiliyoona 5.1 bituu dubbataniiru.

Doolaara biiliyoona 4.4 ammoo gurguruu himaniiru.

Warshaaleen sababoota biyyaalessaa fi idil addunyaan hojii dhaabanii turan 395 Sosochii Itiyoophiyaan haa oomishtuun hojii eegaluu kaasaniiru.

#Oromia #Ethiopia