Ijaarsi daandii Aspaaltii Ganda Shanoo-Gundoo Masqal eegalchiifame
Finfinnee, Mudde 11, 2017 (FMC)-Pireezidaantii Itti aanaan Mootummaa Naannoo Oromiyaa Obbo Awwaluu Abdii ijaarsa daandii Aspaaltii Ganda Shanoo-Gundoo Masqal eegalchiisaniiru.
Sirna eegalchiisaa pirojektichaarratti Obbo Awwaluu Abdiin, imala badhadhinaa milkeessuuf bu’uuraalee misoomaa dandii murteessaadha jedhan.
Daandiin Aspaaltii Ganda Shanoo-Gundoo Masqal sababa nageenyaan harkifachuun rakkoo ta’uu ibsanii, mootummaan xiyyeeffannoo addaa kennuun nageenyas mirkaneessaa milkaa’ina hojii daandii kanaaf xiyyeeffannoo addaan ni hojjeta jedhaniiru.
Ummannis nageenya naannoo isaaf mootummaa waliin dhaabbachuun gahee irraa eegamu bahachuu akka qabu dhaamaniiru.
Hawaasni Aanichaa daandichi yeroo dheeraaf harkifachuu isaan rakkachaa turuu ibsuun, mootummaan ijaarsa daandichaa eegalchiisuutti gammanneerra jedhan.
Hanga xummuraatti akka milkaa’uu fi nageenyarratti tumsa taasisuuf gahee isaanii akka bahatan ibsuu ragaan Kominikeeshinii Godina Shawaa Kaabaarraa argame ni mul’isa.
#Oromia #Ethiopia