Ijaarsi mana barumsaa hawaasa Itiyoophiyaa jibuutii jiraatu tajaajilu eegalame
Finfinnee, Bitootessa 27, 2017(FMC) – Ijaarsi mana barumsaa idileen duraa hawaasa Itiyoophiyaa jibuutii jiraatu tajaajilu eegalameera.
Manni barumsichaa Jibuutiitti Ambaasaaddarri Itiyoophiyaa Birhaanuu Tsaggaayeen eegalchiisaniiru.
Ijaarsi mana barumsichaa hawaasa Itiyoophiyaa Jibuutii jiraatuuf barbaachisa ta’uufi afaan, sirnaafi dudhaa mataa isaaniin akka barataniif carraa kan uumu ta’uu Ambaasaaddar Biraanuun himaniiru.
Mootummaan Jibuutii lafa ijaarsa mana barumsichaaf oolu waan kenneef galateeffataniiru.
Fuulduratti mana barumsaa sadarkaa 2ffaa ijaarsisuuf karoorri jiraachuus ibsaniiru.
Manni barumsichaa Korporeeshinii Hojiilee Ijaarsaa Itiyoophiyaan kan ijaaramu ta’uun ibsameera.
Alamsaggad Asaayyeetu gabaase.